话咁快2022嘅高考
就已经嚟到Day2啦，
虽然对于唔少人嚟讲
高考已经嚟我哋好远，
不过年年试题一出，
大家都仲係忍唔住想围观~
唔知大家有冇发现，
次次一讲到高考题，
话题嘅C位永远都係作文题，
你以为係网友老作一流
所以先咁关心？
错啦！其实係因为：
嗱，
讲笑还讲笑，
话晒成班网友都远离
高中时代咁耐，
咪话数学，
就算文理综都一样
还翻晒畀老师啦！
不过读书呢家嘢，
都冇讲明话要求学时期先可以去做，
你有时间又感兴趣嘅话，
anytime都可以去继续进修噶！
成日有人话，
娱乐圈嘅艺人搵钱就最易，
求其拍套剧，
片酬就已经占拍摄经费嘅大头...
但喺出名孤寒嘅三色台，
一众艺人唔单止
人工低，工时仲要劲长，
就算做到视帝、视后级人马，
一样都要连踩几日开工！
但就喺咁高压嘅工作强度中，
都有唔少艺人选择
尽量抽时间出嚟，
话要重返校园进修喔~
马浚伟
马仔拍剧大家就睇得多，
离巢TVB之后嘅佢，
喺18年佢就考入
北大嘅光华管理学院，
修读为期两年嘅EMBA课程！
期间佢仲兼顾紧香港嘅演艺事业，
拍剧、唱歌、执导冇时停，
中间有空档，
佢仲会约埋同学出去联谊，
係真·时间管理达人！
虽然已经忙到踢晒脚，
但马仔仲係嫌时间未用尽，
转过头又係浸大修读中医课程，
仲话演艺工作会继续同步进行添~
呢份求学嘅态度，
真係美源发彩——冇得弹啊！
朱千雪
港姐一向都话要係
“美貌与智慧并重"，
观众缘超好嘅朱千雪，
出道冇耐就获无线力捧，
《EU超时任务》更加令佢
有机会剑指视后！
不过就喺佢事业嘅上升期，
朱千雪竟然选择请假一年，
重返校园攻读
企业传播管理嘅硕士学位。
硕士学位啱到手冇耐，
朱千雪又继续向博士学位进击，
今次仲要係选择
难度系数劲高嘅法律系！
半路出家读law绝非易事，
朱千雪唔单止顺利毕业，
仲要获得香港顶尖律师楼嘅垂青，
由港姐摇身一变成为律政女神！
对于传媒问及係咪
好中意读书先keep住进修，
朱千雪就表示：
“係因为读书有用先咁做噶~”
徐子珊
同为港姐出身嘅好读之人
仲有徐子珊！
约满三色台之后，
亦都以半工读嘅形式，
先后修读咗珠宝设计
同心理学硕士嘅课程。
旧年佢仲索性宣布退出娱乐圈，
话要前往欧洲继续深造！
先40出头嘅佢，
再继续进修嘅话，
相信都会新嘅领域有一番作为！
陈法拉
前面提及嘅学霸艺人
唔少都係修读演艺以外嘅技能，
有为兴趣嘅，亦有为自我增值。
陈法拉去进修
并唔係放低演艺事业，
而係为咗磨炼好演技再出发~
2013年嘅时候佢就考入
著名演艺学府：茱莉亚学院，
攻读戏剧硕士课程。
佢唔单止全A毕业，
仲係首位获得此学位嘅华人，
认真威水啊！
近年嚟网上都多咗唔少声音
直指一班新生代艺人係“九漏鱼”。
讲嘅係唔少后生仔女
净係谂“点先可以红”，
但忽略咗学习嘅重要性。
其实亦有好多“小朋友”
虽然细细个就开始演戏
但都唔会一味沉迷演艺圈
有嘅退圈嘅童星
重心放返喺学习上
考上北大、清华、中科院
成绩一样好出众
你估唔到佢係边个？
当然啦，
学习绝对唔止一次机会，
高考过后，
每个人都可以喺任何时间
通过合适嘅途径嚟自我增值。
本科直上研究生又得，
出嚟做嘢之后
再报班或者自学都得，
总之只要你肯学，
几时都唔会太迟！
所以几时都话，
高考唔係一考定终身，
好牌可以打成烂牌，
跌低照样可以翻盘，
作为过来人嘅北大学姐李雪琴
係咁样鼓励大家嘅 ↓
Any肥，
COLOR就觉得，
学习永无止境，
永远都要记住，
想学咩就去学！
只要你愿意成长、前进，
你定能克服任何困难。
资料来源：微博、艺人社交平台
互联网综合整理
编辑：彭琳
*文中图片版权归原作者所有，如有问题，请与原作者联系
扫描下方二维码
进入可乐生活小店
▼
海鲜包送到屋企
你都可以做厨神
▼
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
